Aðeins um bolta

Fór í kvöld á mafíukrána í Hafnarfirði og horfði á Barcelona og Werder Bremen spila í Meistaradeildinni. Fékk mér einn kaldan ofan í óbeinar reykingar. Þetta var hin besta skemmtun og Eiður átti stórleik þó sérstaklega í fyrri hálfleik. Ég hef lengi verið aðdáandi Eiðs en í kvöld held ég að hann hafi fengið enn fleiri í sinn aðdáendahóp. Hann var stórkostlegur.

Liverpool tapaði sínum leik en það kom ekki að sök. Þeir voru komnir áfram og máttu því við því að tapa. Það er þó skemmtilegt að sjá að Robbie Fowler sú gamla kempa setti tvær tuðrur í netmöskva andstæðinganna. Það veit á gott ef markaþurðin er á enda hjá framherjum þessa stórliðs. Þá getur allt gerst.

Annars er all í gírnum hér hjá okkur. Kolbrún Þöll alveg að verða sjö ára og hefur ekki við að bæta við óskalistann. Guðný er við hesta heilsu en syfjar fremur snemma á kvöldin. Sjálfur er ég bara ágætur.

Yfir og út.